BENVIDOS E BENVIDAS


A maxia dun sentimento lévanos ó Concello do Saviñao,

na Ribeira Sacra lucense, das Terras de Lemos.

Terra de pedra e luz, de homes e mulleres amables e

hospitalarios que deixaron marchar os seus fillos lonxe, en busca de novas oportunidades.

Terra máxica e melancólica, dunha fermosura incomparable,

cas súas devesas de carballos e castiñeiros centearios preto das augas do río Miño.

Terra namorada do seu pasado que loita por sobrevivir no presente.

Queremos compartir convosco a riqueza natural paisaxística,os camiños máis sorprendentes, as aldeas e festas,

o patrimonio artístico e a exquisita gastronomía.

Benvidos e benvidas ó noso blog .

Desexamos que nos enviedes os vosos escritos e fotos ó correo electrónico :
amaxiadosavinhaoegaliza@yahoo.es, para participar no proxecto.



13 nov. 2010

O Castro de Mourelos


O castro de Mourelos ofrece unha ampla vista panorámica do Miño, e garda lendas e misterios do pasado.


Contan que un veciño de Portotide foi cortar leña ao castro de Mourelos, e de súpeto aparecéuselle un enorme becerro, que díxolle:

-Sálvasme ou mátote !

O home aterrorizado deulle un machetazo no medio da cachola, deixando morto ao animal.
Ao morrer o becerro transformouse nunha fermosa rapaza, sendo os mouros do castro quenes fixeran tan malévolo encantamento, tal como pronunciou aquela beleza de muller.

O leñador casou ca rapaza, viviron felices e cheos de riquezas.


O conto foi recollido no libro:”Hadas” de Jesús Callejo

No hay comentarios: