Aprende-lo oficio de costureira

A miña mai dicíame que tiña que ir coser xunto a señora Herminia.Tódolos días pola tarde camiñaba de Buxán hasta Galegos , e nos xuntábamos varias rapazas de quince a vinte anos que aprendiamos o oficio de costureiras axudando no seu traballo a señora Herminia. Outras veces marchaba camiñando a Escairón ó taller de costura da miña prima Alicia , que tiña o título de corte e confección, e me ensinaba a facer roupa para os seus clientes : vestidos, abrigos ,camisas e roupa de muller.

Nesta foto era o tempo da malla, xa que estou ó lado de Herminia ( a segunda á dereita ) , e detrás noso a máquina de airear o grao.

E.Varela








Máquina de coser de principios do século XX


Cantiga do grupo FUXAN OS VENTOS do seu disco Noutrora

A COSTUREIRA

Costureira bonita,
¿donde te-los teus vestidos?
Téñoos na hucha gardados
para poñer ós domingos.

Costureira bonita,
dime donde te-la cama.
No puleiro das galiñas
nunha presiña de pallas.

Costureira bonita
dime donde te-lo niño.
Nun carballo da Illana
no mais alto ramalliño.

Costureiriña bonita,
¿donde garda-los melindres?.
Téñoos na hucha gardados
para comer ós domingos.

O amor da costureiriña
era papel e mollouse;
agora costureiriña
o teu amor acabouse.