Orixe do nome Saviñao

O topónimo Saviñao procede do nome dun personaxe denominado “Sabinius”, de orixe romana, con poderes administrativos e xudiciais no territorio situado ao sur do río Sardiñeira.

O territorio de Licín extendíase desde a actual parroquia ata Moreda e Atán de Pantón. Nesta zona o personaxe romano con poderes de goberno era un tal “Licinius”.

Ao norte do río Sardiñeira ostentaba o poder outro personaxe chamado “Sardinarius”

Estes territorios formaban parte doutro de mayor entidade, o territorio dos “Lemavos”. Estamos a falar dos séculos IV e V despois de J.C.

É de supoñer que aquel “Sabinius” residise no lugar de Saviñao (Rebordaos), sito na conca do río Saviñao e, polo tanto, no ámbito da denominada “Ribeira Sacra”.

Os concellos datan en España dos anos 1835-45, anteriormente chamábanse xurisdicións.

O centro administrativo solía ubicarse no domicilio dos segredarios. O primeiro concello estivo en San Sadurniño de Piñeiró e trasladouse en datas posteriores a Vilamor, Santa Cruz de Vilelos, Marzán (Chave) ata que a finais do século XIX constituíuse definitivamente en Escairón.

As xurisdicións do chamado “antigo réxime municipal” anterior a 1830, dispoñían de poderes xudiciais ademáis dos administrativos. No territorio do actual concello de O Saviñao existían varias xurisdicións que variaron nos séculos anteriores según as veleidades dos centros de poder.

Poden mencionarse as seguintes xurisdicións: Diomondi, Vilasante, etc, así como as máis coñecidas de Saviñao e Sardiñeira, que se refundiron nunha sola no último período.

En ocasións estas xurisdicións dependeron doutras situadas noutros concellos. Por exemplo, por algún tempo Diomondi dependeu de Chantada.

Documentación: Enrique Pérez Losada