BENVIDOS E BENVIDAS


A maxia dun sentimento lévanos ó Concello do Saviñao,

na Ribeira Sacra lucense, das Terras de Lemos.

Terra de pedra e luz, de homes e mulleres amables e

hospitalarios que deixaron marchar os seus fillos lonxe, en busca de novas oportunidades.

Terra máxica e melancólica, dunha fermosura incomparable,

cas súas devesas de carballos e castiñeiros centearios preto das augas do río Miño.

Terra namorada do seu pasado que loita por sobrevivir no presente.

Queremos compartir convosco a riqueza natural paisaxística,os camiños máis sorprendentes, as aldeas e festas,

o patrimonio artístico e a exquisita gastronomía.

Benvidos e benvidas ó noso blog .

Desexamos que nos enviedes os vosos escritos e fotos ó correo electrónico :
amaxiadosavinhaoegaliza@yahoo.es, para participar no proxecto.



28 jul. 2010

Ruta de Sendeirismo:percorrido a pé polo camiño dos Codos de Belesar o dia 7 de agosto do 2010

A Asociación Veciñal do Saviñao organiza un percorrido a pé polo camiño dos Codos de Belesar, polo que anima a tódolos veciños e a todo aquel que queira sumarse e apuntarse .

O acto, de confraternización veciñal, é unha homenaxe ás distintas culturas que fixeron uso deste camiño empedrado : a castrexa , a romana e a medieval. Discorre dende a igrexa de S. Paio de Diomondi ata Belesar, terá lugar o sábado 7 de agosto pola tarde, e poderán concurrir todas as persoas que o soliciten .

O programa consiste en: Saída da igrexa de Diomondi ás 17: 30 h, parada e visita ó castro da Portela, descenso polos Codos, chegada a Belesar ás 19: 30 h. e degustación duns aperitivos no clube náutico de Belesar ás 20 h. O acto rematará aproximadamente ás 21 h.

Disporase dun servizo de autobús, para quen desexe ou precise utilizalo que partirá de Escairón, da rúa Doctor Portela ( diante do concello ) ás 17 h. Realizará o percorrido Escairón – Diomondi – Belesar – Diomondi - Escairón .

A asociación apoiará económicamente o acto, pero as limitacións presupostarias non darán coberto todos os custos, polo que se fixa o prezo en 5 € por persoa .

Para a correcta organización precísase coñecer con antelación o número de asistentes , polo que será necesario inscribirse antes do venres 6 de agosto, dirixíndose ao correo electrónico da asociación: asociacionvecinaldosavinao@gmail.com

No hay comentarios: